Біз – батыр баба ұрпағымыз
Қалалық орталықтандырылған кітапханалар жүйесінің ұйымдастыруымен қала күні аясында туған жердің тұтастығы мен елдің азаттығы жолында аянбай күрескен Бұқарбай батыр ескерткіші жанында «Біз – батыр баба ұрпағымыз» атты әдеби-танымдық кеш өткізілді. Шараға Бұқарбай батырдың ұрпағы, Қазақстанның құрметті журналисі, Қазақ радиосының үздігі А.Ә. Жанаев, Қорқыт ата атындағы Қызылорда мемлекеттік университеті қазақ тілі мен әдебиеті және журналистика кафедрасының меңгерушісі, доцент Ғ.Тұяқбай, Қазақстан Суретшілер одағының мүшесі, мүсінші, Бұқарбай батыр ескерткішінің авторы Ж.Исмағұлов, Бұқарбай батыр атындағы қоғамдық қайырымдылық қордың мүшесі Х.Қоразбаев , батырдың ұрпақтары Т.Опабекова және Рауия апалар, батыр баба көшесінде орналасқан «Қарақат» мектеп-студиясының ұстаздары мен шәкірттері, Қызылорда көпсалалы гуманитарлық-техникалық колледж оқытушылары мен студенттері,№7,№235 мектеп оқушылары, көше тұрғындары қатысты.
