Тамыры терең, тарихы кемел-Қызылжарма
№17 кітапханада «Тамыры терең, тарихы кемел-Қызылжарма» атты Қызылжарма ауылының 90 жылдығына орай әдеби-сазды кеш өткізіліп, шараға ауыл әкімдігінің жетекші маманы А.Мақаш, ауыл ардагері Қ. Ыдырысов, ауылдық ардагерлер кеңесінің төрағасы Барат Таубай қатысып жастарға тәрбиелік маңызы бар ауыл шежіресі жайлы әңгіме айтты. Жас оқырмандар туған жер, отан жайлы ақын-жазушылардың өлеңдерін оқып, Мәдениет үйінің қызметкерлері «Ауылым», «Қызылжарма» әндерін орындады. Сонымен бірге мектеп оқушылары арасында ауылдың мерейтойына арналған бейне роликтер байқауы ұйымдастырылып, үздіктер алғыс хатпен марапатталды. Шара барысында «Келбеті көркем сүйікті қалам» атты кітап көрмесі жасалып, көрмеге қойылған әдебиеттер насихатталды.
