Ұлы даланың жеті қыры
Елбасы Н. Назарбаев «Ұлы даланың жеті қыры» мақаласында қазақтың кино өнеріне ерекше назар аудару қажетігін атап өткен болатын. Осы орайда өскелең ұрпаққа қазақ киносының кешегі мен бүгіні туралы мәлімет және эстетикалық тәрбие беру, ұлттық құндылықтарымызды насихаттау мақсатында «Қазақтың кино өнері: кеше және бүгін» атты ауызша журнал өткізілді. Шарада оқырмандарға тұңғыш «Ленфильм» студиясы түсірген «Амангелді», сондай-ақ, көрермен көзайымына айналған «Тақиялы періште», «Қыз Жібек», «Алты жасар Алпамыс», «Менің атым Қожа», «Алдар көсе», «Көксерек» және соңғы жылдары түсірілген қазақтың қилы-қилы тарихынан сыр шертетін «Көшпенділер», «Жау жүрек мың бала» фильмдері мен сол фильмдерде өз рөлдерін керемет сомдаған актерлер жайлы мәліметтер берілді.
