Күмістей сыңғырлаған әсем әуен
А.С.Пушкин атындағы орталық кітапхана «Абылайхан» атындағы жоғары колледж студенттерінің қатысуымен қазақтың жарық жұлдызы, бұлбұл әнші Бибігүл Төлегенованың 90 жасқа толуына орай «Күмістей сыңғырлаған әсем әуен» атты музыка сағатын өткізді. Музыка сағаты барысында өскелең ұрпақ Бибігүл Төлегенованың өмір жолымен, отандық және әлемдік опера классикасы, ұлттық әндерді орындаушысы ретіндегі шығармашылығымен танысты. Қазақстан халқы мақтан тұтып, «қазақ бұлбұлы» атаған әншінің әндері шырқалып, бейне роликтер көрсетілді. Кітап көрмесі бойынша әдебиеттерге шолу жасалды.
