Сыр ескерткіштері
№ 16 қалалық кітапханада оқырмандарға туған өлкеміздің тарихы мен тарихи тұлғалары жайлы мәліметтер беру мақсатында «Рухани жаңғыру» бағдарламасы аясында «Сыр ескерткіштері» атты флешбук өткізілді. Оқырмандарға Ахметбек Бақытжанның «Сыр ескерткіштері» атты кітап-альбомы бойынша «Туған жер», «Киелі жерлер» бағытындағы өлке тарихы, Сыр бойының батырлары, би-шешендері, ақын-жыраулар, әйгілі Қорқыт бабамыз туралы, тарихи ескерткіштер мен кесенелер таныстырылды. Жас оқырмандар бүкіл әлемге белгілі данышпан қобызшы, философ Қорқыт баба мен Жанғожа батыр туралы дауыстап үзінділер оқыды.
