Кемел талант, кесек туынды
Жүйеге қарасты №12 кітапхананың жанынан ашылған «Коворкинг» орталығында қала жастары қатысуымен «Кемел талант, кесек туынды» атты әдеби кеш барысында Ә. Нұрпейісовтың «Қан мен тер» фильмін тамашалады.Осы фильмді көргеннен кейін жастар Арал теңізі жанында тіршілік еткен қазақ халқының революция кезіндегі тұрмыс салты, күн көрісі,сол уақытта болған қырғындар, орыс басқыншылығы, балық өндірісінің басшысы Федоровтың балықшыларды өлімге жіберуі, қанауы, бай мен кедей арасындағы тап күресі туралы ой-пікірлерін айтып көрсетілімді талқылады. Ең басты кейіпкер орташа шаруадан шыққан Еламанның образы арқылы Аралдағы барлық балықшылардың тағдырын көрсетуден бастап, Шалқардағы жұмысшылардың сол уақыттағы тағдырлары, орыс пен қазақ кедейінің ұқсас тағдыры туралы кеңінен айтылды.
