Қорқыт – ғасырлардың үні
№ 12 кітапханада « Қорқыт мұрасы» бағдарламасы аясында «Қорқыт – ғасырлардың үні» атты слайд шолу ұйымдастырылды.ҮІІ- ХІ ғ-да Оғыз мемлекетінің астанасы болған Жанкент қаласы- біздің Сыр өңірінде. Жанкентте дүниеге келген, бүкіл түркі тілдес халықтарының дана философы Қорқыт ата есімімен тығыз байланысты жалпы түркі мәдениетінің негізі осы жерде қаланды. Қорқыттың туған, көз жұмған, аңызы қалған жер осы - Сыр елі. Қорқыт – ел бірлігін нығайтқан кеменгер,ғұлама ойшыл,әлемдік ақыл- ой мәдениетінде өз орны бар философ- гуманист.Қорқыт ата мұрасы ертенгі зиялы азамат ретінде елінің шын патриоты болып өсуімізге ықпалы зор. Шолудың мақсаты: Қорқыт ата жырларындағы отаншылдық пен ерлік, ізгілік пен әдептілік, сабырлық пен төзімділікті кеңінен насихаттай отырып келер ұрпаққа үлгі өнеге ету. Қорқыт ата нақыл сөздерін кеңінен насихаттау.
