Бейімбет Майлин - әңгіменің хас шебері
№2 балалар кітапханасында қазақ әдебиетінің классигі Бейімбет Малиннің туылғанына 125 жыл толуына орай «Бейімбет Майлин - әңгіменің хас шебері» атты әдеби портрет өткізілді. №233 мектептің 5 «а» сынып оқушысы Н.Насиева «Бейімбет Майлиннің өмір жолы» атты баяндама оқыса, ескі қазақ тұрмысының көріністерін, қарапайым халық өміріндегі ауыртпашылықтарды сонымен қатар жаңа заман талабына сай қазақ ауылдарындағы тартыстың, оған жетекшілік еткен қазақ әйелінің жаңа тағдырын да суреттеген «Шұғаның белгісі», «Түйебай», «Иелі ауру» т.б. туындыларынан үзінділер мен өлеңдерін А.Алмасбай, Н.Насиева оқыды. Іс- шара соңында Б.Майлиннің өмірі мен шығармашылығына арналған кітап көрмесіне шолу жасалды.
