Салауатты жастар-ел болашағы
№4 кітапханада Жастар жылына орай «Салауатты жастар-ел болашағы» атты дөңгелек үстел №253 мектептің жоғары сынып оқушылары мен оқытушылары қатысуымен өткізілді. Шараға облыстық жастар денсаулығы орталығының маманы Ж.Бақтыбайқызы, мектеп директорының орынбасары З. Наурызбаевалар қатысып жастардың білім алуы мен тәлім-тәрбиесі, денсаулығы мен салауатты өмір сүруге қалыптастырудағы атқарылар мідеттер жайлы әңгімелер қозғады. Қызылорда қалалық «Jas orda» жастар кеңесінің мүшесі, №253 мектептің әлеуметтік педагогы Ф.Ә. Әбзиева жастардың бос уақытын тиімді өтуізуде түрлі спорт, би үйірмелері мен қосымша оқу орталықтарының пайдасы туралы , жастардың ғаламторға көп уақыт жоғалтатыны, қажетсіз ақпараттардың зияндылығы мен арақ ішу, темекі шегу сияқты зиянды әрекеттердің алдын-алу керектігін кеңінен айтып, жастар пікірлері тыңдалды.
