Тұңғиықтан сыр тартқан.
№1кітапхананың ұйымдастыруымен Сыр елінің тумасы,педагогика ғылымдарының докторы, професссор, Қазақстан Республикасы Ұлттық Ғылым Академиясының академигі Момынбаев Байзақ Көпірбайұлының өмірі мен ғылыми жұмыстарын насихаттау мақсатында «Тұңғиықтан сыр тартқан» тақырыбындағы т аным сағаты №11 мектеп – лицейінің АКТ залында 8 сынып оқушыларымен өткізілді. Ғылыми-педагогикалық және техникалық әдебиеттер жүйесінде мектеп, кәсіптік - техникалық колледж, ЖОО арасындағы сабақтастықты айқындайтын қазақ және орыс тілдерінде 24 оқулық пен 5 оқу-әдістемелік құрал жазып, педагогикалық ғылымға елеулі үлес қосып, осы мәселелер бойынша 217-ден астам ғылыми еңбек жариялап, тұңғыш қазақ тілінде «Кәсіптік техникалық пәндер» атты оқулық жазған, техникалық пәндерді оқытудың жалпы әдістемесінің іс жүзіндегі бағдарламасын ұсынған ғалымның еңбектері кеңінен таныстырылып, балалық шағы туралы достары мен әріптестерінің естеліктерінен әңгімелер айтылды.
