Әл Фараби айтқан екен
Шығыстың ғұлама ойшылы Әбу Насыр әл-Фарабидің 1150жылдық мерей тойына орай №13 кітапханада «Әл Фараби айтқан екен» атты бабамыздың тапқыр сөздерінен таным сағаты өткізілді. Халқымызға білімнің, ілімнің нәрін сепкен Әбунасыр ӘлФараби мұраларынан нәр алғызып, оқушыларды туған жерге деген сүйіспеншілікке, адамгершілікке, қасиетті сөздерді қадір тұтуға тәрбиелеу мақсатындағы шара барысында балар нақыл сөздерін жатқа оқып, кітап көрмесі таныстырылды. Көрмеге қойылған М.Құл-Мұхаммедтің «Әл-Фараби.Тарих,тұлға, уақыт», А.Көбесов «Сөнбес жұлдыздар», Әбу Насыр Әл-Фараби «Қайырымды қала», «Тарихи тұлғалар», «Ежелгі Қахақстан», «Ол кім, бұл не?» атты кітаптарынан балалар, Әл-Фарабидің әлемдік ғылым мен мәдениет саласына қосқан жаңалықтары, логика мен медицина, ғарыш пен адам құрылысы, философия, математика және заң ғылымдарын зерттеген еңбектерімен оқып танысты.
