Өлеңге әркімнің ақ бар таласы.
№15 Талсуат ауылдық кітапханасында ұлы ақын Абай Құнанбаевтың 175 жылдығына орай «Өлеңге әркімнің ақ бар таласы» әдеби сазды кеш ұйымдастырылып, мектеп оқушылары, ұстаздар қатысты. Іс шара барысында жас оқырмандар Абай Құнанбаевтың «Жасымда ғылым бар деп ескермедім», «Мен жазбаймын өлеңді ермек үшін, «Сегіз аяқ», «Бойы бұлғаң», «Интернатта оқып жүр», «Қыс», «Жаз» өлеңдерін мәнерлеп оқып, Ж.Сұлтанбек, Ә.Жалғасбай, Е.Тойшыбек өз шығармашылықтарынан жырларын оқыды. Абайдың «Көзімнің қарасы», «Желсіз түнде жарық ай» өлеңдерімен қатар патриоттық әндер шырқалып, қазақ билері орындалды. Кітап көрмесі бойынша ақын шығармаларына шолу жасалып, оқуға әдебиеттер ұсынылды.
