Нұр себеле, Ұлыстың ұлы күні!
№20 кітапханада оқырмандарды Наурыз мейрамының тарихымен таныстыру, ұлттық құндылықтарымыз арқылы адамгершілікке, ізгілікке, мейірімділікке, бірлікке, еңбексүйгіштікке тәрбиелеу мақсатында жыл басы – Наурыз мейрамына арналған «Нұр себеле, Ұлыстың ұлы күні!» атты кітап көрмесі ұйымдастырылды. Кітап көрмесіне Наурыз мейрамының шығу тарихы, жас ұрпаққа беретін мол тәлім-тәрбиесі мен тағылымы жайлы және ұлттық тағамдар, ұлттық киімдер, ұлттық ойындар мен салт-дәстүр, әдет-ғұрыптарымыз және өлең-жырлар, бата-тілектер жайлы жазылған кітаптар мен мерзімді басылымдар қойылып, оқырмандардың назарына ұсынылды.
