Кеңес Одағының Батыры Ж. Қизатовтың 100 жылдық мерейтойы
Биыл Кеңес Одағының Батыры Ж. Қизатовтың 100 жылдық мерейтойы. №20 кітапханада батыр есімін мәңгі ұлықтау, ерлік істерін ұмытпау, жас ұрпақты отансүйгіштікке, қайсарлыққа тәрбиелеу мақсатында майдангер жазушының «Өмір өткелдері» кітабына виртуалды әдеби шолу жасалды. Шолуда кітап бойынша Ж. Қизатовтың өнегелі өмір жолы, туып-өскен ортасы, елге оралған соң ел экономикасын дамытуға қосқан үлесі мен шығармашылық еңбектері жайлы айтылып, майдан достарымен Ұлы Отан соғысында жасаған ерлік істері қысқаша баяндалды.
