Ашаршылық пен саяси қуғын-сүргін құрбандарын еске алу күні
31 мамыр – Ашаршылық пен саяси қуғын-сүргін құрбандарын еске алу күні. Тәуелсіздік алғаннан кейін 1993 жылы 14 сәуірде «Жаппай саяси қуғын-сүргін құрбандарын ақтау туралы» ҚР Заңы қабылданды.. 1937-1939 жылдар аралығында қазақтың бас көтерер зиялысының көпшілігі қуғын-сүргін құрбанына айналды. Зерттеушілер деректеріне сүйенсек, осы кезең аралығында Кеңес Одағының құрамында болған Қазақстанда 103 мың адам қуғын-сүргінге ұшыраған және 25 мың адам ату жазасына кесілген. Сол жылдары қазақстандық ғылым, мәдениет және саясат саласының зиялы қауым өкілдері атылған. №7 кітапхана «Қуғын-сүргіннің құрбандары» атты кітап көрмесін ұйымдастырып, кітап қорындағы ұлтының азаттығы жолындағы құрбан қазақтың ардақты ұлдары туралы әдебиеттерді оқырманға онлайн таныстырды.
