Мен оқыған кітаптар
№ 12 кітапхана коворкинг орталығында «Мен оқыған кітаптар» атты «Вookdating» шарасы өткізіліп, жастар «Жас отан» Жастар қанаты Қызылорда филиалының кеңесшісі Какарманова Асем Бекнұрқызымен, Қазақ гуманитарлық заң және техникалық жоғары колледжінің оқытушысы «Кітап құрттары» ұйымының жетекшісі Талғат Меңдібай Амангелдіұлымен, оқушылар сарайының педагог жетенкшісі Усерова Айкерім Ерназарқызымен кездесті. А.Какарманова оқырмандарға өзінің шетел әдебиеттінен оқыған Луиза Хейдің «Сердечные мысли», Джонс Кэвилдің «Под сознанием может все» кітаптарын, А.Усерова журналист Бибігүл Дәулетбекқызының «Альфонс жігіттің тағдыры» атты кітаптарын әсерлі етіп жеткізді. Жастарды қоғамда дендеп бара жатқан масылдық пиғыл әрекеттен аулақ болуға, еңбек етуге шақырды. «Кітап құрттары» ұйымының жетекшісі Т.Меңдібай Абайдың қара сөздерімен қатар шешендік сөздер жинағын үнемі қайталап оқитындығын айтып, І.Есенберлиннің «Көшпенділер», Б.Жандарбековтың «Сақтар», И.Калашниковтың «Жестокий век», т.б кітаптарын тарихи оқиғалармен ұштастыра отырып айтты. Шара соңында кеш кейіппкерлері оқыған кітаптарын алмастырып, Т.Меңдібай жастарға бірнеше кітаптың тізімін ұсынды.
